Мэдээ
Шинэ дасгалжуулагчид нэр дэвшигчид
2024-11-28 23:36
Барсэлона клүбийн дасгалжуулагч Тито Виланова ажлаа өгснөөр Барсэлона клүб түүний орийг залгах шинэ дасгалжуулагч хайх шаардлагатай болоод байгаа юм.
Барсэлона клүбийн дасгалжуулагч Тито Виланова ажлаа өгснөөр Барсэлона клүб түүний орийг залгах шинэ дасгалжуулагч хайх шаардлагатай болоод байгаа юм. Титогийн хувьд Барсэлона клүбийн туслах дасгалжуулагчаар маш удаан ажиллаж улмаар Пэп Гуардиола ажлаа өгснөөр ахлах дасгалжуулагчийн суудалд суусан юм. Тэрээр дасгалжуулж байх хугацаандаа өвчний улмаас ажлаасаа чөлөөлөгдөж тийм ч их хугацааг багтайгаа өнгөрүүлээгүй. Тиймээс ийнхүү Барсэлона клүбийг цааш удирдаж чадахааргүй болсон юм. Харин түүнийг орлох магадлалтай дасгалжуулагчдийг танилцуулж байна.
Frank De Boer
Цагтаа Нидерландын шигшээ багт зүтгэж явсан ах дүү хоёрын нэг болох Фрэнк Дэ Бурыг Барсэлона клүбт ирж магадгүй дасгалжуулагчдын тоонд оруулаад байгаа юм. Тэрээр одоогийн байдлаар Голландын Аякс клүбийн ахлах дасгалжуулагчаар ажиллаж байгаа. Магадгүй тэрээр манай клүбийн дасгалжуулагчаар сонгогдвол Голландын авьяаслаг залуучуудыг багт татаж магадгүй.
Luis Enrique
Барсэлона Реал Мадрид багуудад аль алинд нь хүчин зүтгэж олон хүний дургүйцэл болон хайр хүндэтгэлийг нэгэн зэрэг дааж явсан хүн бол Энрикэ. Түүний хувьд Барсэлона клүбт ирэх хамгийн өндөр магадлалтай дасгалжуулагчдын тоонд багтаад байгаа юм.
Gerardo Martino
Мартино хэмээх Аргэнтиний Ньюлз Олд Бойз клүбийн дасгалжуулагч манай шинэ дасгалжуулагчид нэр дэвшээд байна.
Andre Villas Boas
Андрэ Виллаш Боаш хэмээх энэхүү эрхэм анх Порто клүбтэй өндөр амжилтыг үзүүлж олны танил болсон. Одоогоор Тоттэнхэм клүбийг удирдаж байгаа залуу мэргэжилтэн манай клүбт хүрэлцэн ирвэл Барсэлонад тус болох хамгийн сайн дасгалжуулагч болж магадгүй юм. Тэрээр Тоттэнхэм клүбтэй Английн лигт маш сайн тоглолтыг үзүүлж байгаа.
Ronald Koeman
Барсэлона клүбийн домогт тоглогч нарын нэг бол яахын аргагүй Голландын алдарт хөлбөмбөгч Роналд Куман юм. Тэрээр дасгалжуулагчийн хувиар ч гэсэн гайхалтай дасгалжуулагч гэдэгтэй хэн ч маргахгүй. Одоогийн байдлаар тэрээр Feyenoord клүбийг удирдаж байна.
Руби буюу Joan Francesc Ferrer
Тито Вилоновагийн дасгалжуулагчийн албанд шинээр орсон Руби Барсэлона клүбийн шинэ дасгалжуулагчаар томилогдох магадлал дэвшүүлэгдээд байгаа. Магадлал багатай ч гэсэн тэрээр Барсагийн дасгалжуулагчаар томилогдохыг үгүйсгэх аргагүй.
Luciano Spalletti
Италийн Рома клүбийн дасгалжуулагчаар ажиллаж байснаар нь манай уншигчид сайн мэднэ. Тэрээр одоо Зэнит клүбийн ахлах дасгалжуулагчаар ажиллаж байгаа.
