Аваргуудын Лиг
Анчелотти: "Тоглолтын дүнд сэтгэл дундуур байна"
2024-11-29 01:47
Пари Сен-Жермен багын ерөнхий дасгалжуулагч К.Анчелотти урьд шөнийн тоглолтын талаар мэдээлэл хийжээ..
"Тоглолтын эцсийн дүнг сайн байсан гэж би хэлэхгүй ээ, гэхдээ манай баг сайн тоглож хоёр ч гоол орууллаа. Манай хамгаалалт сайн байсан боловч харамсалтай нь хоёр ч гоолыг өөрийн хаалгандаа алдлаа. Мэдээж манайхан Мессид гоол оруулах хялбар боломж гаргаж өгсөн бөгөөд үүний дараа хоёр дахь гоолыг ч мөн өрсөлдөгчиддөө бэлэгллээ. Гэсэн хэдий ч би өөрийн багаар бахархаж байна. Тэд маш эр зоригтой тоглосон, дахин давтан хэлэхэд би тоглолтын үр дүнд сэтгэл дундуур л байна.
Месси хариу тоглолтонд тоглохгүй байсан ч манай багийн тактик өөрчлөгдөхгүй. Барселон хотод бидэнд гоол хийх л хэрэгтэй боллоо. Өнөөдөр манай залуучууд хоёр ч гоол хийсэн нь маш сайн байна. Нөгөө талаас нь харах юм бол найдвартай сайн хамгаалах хэрэгтэй байсан.
Манай багийн гол гишүүдийн нэг болох Блез Матюйди өнөөдөр шар хуудас аван дараагын тоглолтыг өнжих болсон нь манай багт хүнд цохилт боллоо, гэхдээ түүнийг Тьяго Мотта сайн нөхөх байх хэмээн итгэж байна. Мөн манайд Клемон Шанд хэмээх сайн тамирчин байна, тэр бол сайн тоглогч төдийгүй тус байрлалд маш сайн тоглодог. Ерөнхийдөө бол манай багт хагас хамгаалалтанд тоглох хангалттай хувилбарууд бий. Хариу тоглолт маш хүнд болох бөгөөд бид "Камп Ноу"-д хоёр гоол оруулах ёстой яг өнөөдрийн оруулсан шиг. Би өөрийнхөө багт итгэж байна" хэмээн хэлсэн байна.
