7 дугаартай тоглогчийн гайхалтай үдшүүд

Давид Вилья Барсагийн төлөө 119 тоглолтонд оролцсоныхоо дараа багаа орхилоо. Испани довтлогч тус багийн төлөө нийт 48 гоолыг оруулсан бөгөөд өнгөрсөн улиралд хүнд бэртлээсээ эргэн ирсэн юм. Одоо түүний зарим гайхалтай түүхүүдийг дурсацгаая.

1. Барса - Мадрид 5-0 /Ла Лиг/. 2010 оны 11-р сарын 29.

Пеп Гуардиолагийн Барса Моуриньогийн Мадридыг бут ниргэсэн өдөр Вилья багийнхаа 3 болон 4 дэх гоолуудыг оруулсан юм.

2. Барса - Манчестер Юнайтед 3-1. /Аваргуудын Лиг/. 2011 оны 05-р сарын 28.

Магадгүй түүний багийнхаа төлөө оруулсан хамгийн гайхалтай гоол. Уэмблид болсон Аваргуудын Лигийн шигшээ тоглолтонд Вильягийн торгуулийн талбайн гаднаас цохисон бөмбөгийн эсрэг Ван дер Сар юу ч хийж чадаагүй.

3. Мадрид - Барса 2-2. /Испанийн супер цом/. 2011 оны 08-р сарын 14.

Багийнхаа төлөө оруулсан бас нэгэн чухал гоол. Улмаар Барса хариу тоглолтонд хожиж цомыг хүртсэн.

4. Барса - Реал Сосьедад 5-0. /Лиг/. 2012 оны 08-р сарын 19.

8 сар гаран бэртлийн улмаас талбайд гараагүй байсан Вилья эргэн ирсэн эхний тоглолтондоо л гоол орууллаа.

5. Севилья - Барса 2-3. /Лиг/. 2012 оны 09-р сарын 29.

Эхний хагаст 2-0 ээр хожигдсон Барса 2-р хагаст гайхалтай эргэн ирэлтийг хийсэн бөгөөд Вилья хожлын гоолыг оруулсан билээ.

6. Барса - Алавес 3-1. /Цом/. 2012 оны 11-р сарын 28.

Испанийн эзэн хааны цомын тэмцээний шөвгийн 16-ын хариу тоглолтонд Вилья карьерынхаа 300 дахь тоглолтыг хийсэн юм.

7. Барса - АС Милан 4-0. /Аваргуудын Лиг/. 2013 оны 03-р сарын 12.

Түүний багийнхаа төлөө оруулсан хамгийн сүүлийн чухал гоол. Эхний тоглолтонд 2-0 ээр хожигдоод байсан Барса талбайдаа Миланыг 4-0 ээр хожиход Вилья тоглолтын 3 дахь гоолыг оруулсан юм.