Солилцоо Наймаа
Барсад эргэн ирсэн Боян багт тус хүргэж чадах уу?
2024-11-28 23:57
Испанийн Барсэлона клүбт хар багаасаа хүчин зүтгэж олон амжилтыг үзүүлж залуучуудын гэсэн тодотголтой ихэнх рэкордыг эзэмшдэг Боян Кркич 2011 онд Барсэлонаг өөрийн дуруур бус аргагүй эрхэнд орхисон билээ.
Испанийн Барсэлона клүбт хар багаасаа хүчин зүтгэж олон амжилтыг үзүүлж залуучуудын гэсэн тодотголтой ихэнх рэкордыг эзэмшдэг Боян Кркич 2011 онд Барсэлонаг өөрийн дуруур бус аргагүй эрхэнд орхисон билээ. Тэрээр Рома клүб рүү 12 саяаар одож тэнд хоёр жилийг өнгөрүүлсэн бөгөөд сүүлийн жилээ Милан клүб рүү зээлээр явсан юм. Харин энэ онд тэрээр Рома клүбийг албан ёсоор орхиж өөрийн дассан сурсан Барсэлона клүбтээ эргэн ирээд байсан. Гэвч тэрээр ирэх улирлыг Барсэлонад өнгөрүүлэхгүй ажээ. Аякс клүб довтлогчийн орон зайгаа нөхөхийн тулд манай Бояныг зээлээр авч байгаа юм байна.
Харин Боян Кркичийг Барсэлонад эргэн ирсэн талаар түүний аав:
" 2 жилийн өмнө тэр өөрийн дураар Барсэлонаг орхиогүй. Тэр хүнд байдалд орж улмаар Барсаг орхихоос өөр аргагүй болсон."
" Тэр үед Боян Пэптэй бага зэргийн асуудалтай байсан. Харин одоо хүү маань Титотой маш сайн харилцааг тогтоож чадсан. Тиймээс Барсэлонад өмнөхөөсөө илүү сайн улирлуудыг үднэ хэмээн найдаж байна" гэж ярилцлага өгчээ.
Ямартай ч тэрээр ирэх улиралд Аякст тоглоод түүний дараа жилээс Барсэлонад тоглож эхэлнэ. Түүний хувьд багуудаар зээллэгээр их тоглож байна. Түүний өмнө үзүүлж байсан тоглолтуудад Барсэлонад эргэн ирж чадах болов уу? Барсэлонад тэр тус болж чадах уу?
