Шар Мэдээ
Барсэлона Лэвандовскиг авна
2024-11-28 23:41
Боруссиа Дортмундын шилдэг довтлогч Робэрт Лэвандовскиг өөрийн болгохоор зэхэж байгаа ажээ.
Барсэлона клуб энэ зун олон залуу тоглогчоо өөр багууд руу зарсан билээ. Харин Бразилаас Нэймарыг авчирсан нь маш том наймаа болсон. Нэймарын хувьд ихэвчлэн зүүн жигүүрт гарч тоглодог. Тиймээс ерөнхийдөө Давид Вилья багаа орхих нь бараг л ойлгомжтой болоод байгаа юм. Мөн тэдний хувьд Боруссиа Дортмундын шилдэг довтлогч Робэрт Лэвандовскиг өөрийн болгохоор зэхэж байгаа ажээ.
ESPN-ийн мэдээлж байгаагаар Барсэлона клүб түүнд үнийн саналыг илгээгээгүй байгаа хэдий ч Вильяг зарсныхаа дараа тэд Лэвандовскид санал тавих ажээ. Бөмбөг тийм ч их эзэмшиж гоцлон тоглолт хийдэггүй ч довтлогчийн үүргээ маш сайн биелүүлдэг тоглогч бол яахын аргагүй Лэвандовски юм. Тэрээр өөрийгөө бөмбөгийг хэрхэн хүлээж аван хурдан хугацаанд хаалга руу бөмбөгийг оновчтой явуулж чаддагаа Реал Мадридтай хийсэн тоглолтон дээр тодорхой харуулсан. Ямартай ч Лэвандовски Барсэлонагийн дутагдаад буй орон зайг нөхөж чадах тамирчин байж болох юм.
