Барса каталоны дербигийн ялагч

Шави, Месси нар тус бүр нэг гоол оруулсан бол Педро давхар цохилт хийсэн.  Энэ бол тоглолтын 29 дэх минут хүртэл явагдсан довтолгооны давалгаа байлаа. Хэрэв тэд үлдсэн хугацаанд энэ эрчээ хадгалсан бол тооны харьцаа улам хол зөрүүтэй болох  байв. Эспаньол тоглолтын турш Валдесийн хаалганд аюул тарихаар юу ч хийж чадаагүй. Уг тоглолтонд  Лионель Месси хамгийн шилдэг нь байлаа. Тэрээр нэг гоол пенальтаас хийсэн хэдий ч багийн хамгийн идвэхтэй тоглолтыг үзүүлсэн ба эхний хоёр гоолд  гар бие оролцсон.

Барса Эспаньолийн 4:0 –ээр хожсоноор, 36 тоглолт дарааллан гоолдсон  70 жилийн өмнөх дээд амжилтаа давтжээ. Өмнө Барса 1942/43 ба 1943/44 оны улиралд 106 гоол оруулж байжээ. Одоогоор Барса 52 оноотой  хүснэгтийг тэргүүлж, Атлетико Мадрид 41 оноотой удаах байрт бичигдэж байна. Атлетико Мальоркогийн талбай дээр 1:1 –ээр тэнцсэнээр Барсад 3 оноогоор ойртох боломжоо алдсан. Харин Реал Мадрид 36 оноотой хүснэгтийн гуравдугаар бичигдэж байна.