Пике, Шакира нар хүүдээ Милан гэдэг нэр хайрлав.

Өнгөрөгч Мягмар гарагийн шөнө Барселона хотын нэгэн хувийн эмнэлэгт Херард Пике болон дуучин Шакира нарын хүү мэндэлсэн билээ. Тэд хүүдээ Милан хэмээх нэрийг хайрласан ба  Милан Пике Мебаракийг хорвоод мэндлээд удаагүй байхад нь   Барселона багийн гишүүнээр бүртгэн авсан гэнэ. Уг нь Пике, Шакира нар өөрсдийн төрсөн өдөр буюу хоёрдугаар сарын 2нд амаржихаар төлөвлөж байсан гэнэ. Испаний хэвлэлүүдийн мэдээгээр Шакирад гэнэт өвдөлт өгсөн учир хагалгаанд орох шаардлагатай болсон гэжээ. Шакирагийн эмч нарын багийг Испаний гүнж Кристинагийн дөрвөн  хүүхдийг эх барьсан  Шарлоте Гарсиа-Валдекасас хэмээх эмч ахласан байна.