Фабрегас “Барса”-д очих эсэх энэ долоо хоногт тодорхой болно

"Фабрегас "Барселона”-д очих уу?” хэмээх "савангийн дуурь” хэдэн жилийн өмнөөс эхэлсэн билээ. Харин ирэх долоо хоногт энэхүү наймаа бүтэлтэй болж магадгүй байгаа гэнэ. "Барселона”-гийн мэргэжилтэн Мария Бартомеу, Рауль Санлехи нар Лондонд Фабрегасын бие төлөөлөгч Даррен Деян болон Арсен Венгер нартай уулзаж наймааны сүүлийг мушгихаар иржээ.  Mundu Deportivo-гийн мэдээлснээр Сеск Фабрегас "Барселона”-д ирэхийн тулд цалинг нь бага зэрэг багасгахыг ч хүлээн зөвшөөрсөн аж. "Барселона” сүүлийн үнийн саналаа нэгэнт тавьсан тул одоо тоглогч өөрөө наймааны явцад нөлөөлөх цаг ирсэн байна.