Карлес Пуйоль: Гэртээ тавтай морил, Сеск

Каталоны "Барселона”-гийн хамгаалагч Карлес Пуйоль болон Жерар Пике нар "Арсенал”-аас Сеск Фабрегас ирснийг батлан хэлжээ.

"Одоо тэр бидэнтэй нэгдлээ” гэж Пике твиттертээ бичсэн бол Пуойль "Гэртээ тавтай морил, Сеск” хэмээн бичжээ. Өчигдөр орой Сеск Фабрегас эрүүл мэндийн үзлэгт орсныхоо дараа таван жилийн гэрээ үзэглэсэн. Түүнийг өнөөдөр өдөр албан ёсоор "Барселона”-гийн тоглогч болсныг зарлах юм. Хэдэн жил үргэлжилсэн хэлэлцээрийн эцэст ийнхүү Сеск Фабрегас 40 сая еврогоор төрхөмдөө буцлаа.