Пеп Гвардиола: Иймэрхүү байдлыг зогсоохгүй бол муугаар дуусч мэднэ шүү

Испанийн "Барселона”-гийн дасгалжуулагч Пеп Гвардиола Испанийн Супер цомын тоглолтын төгсгөлд "Реал”-ын дасгалжуулагч Жозе Моуриньо багийнх нь туслах дасгалжуулагч Тито Вилановын нүд рүү чичсэнд ихэд дургүйцжээ.

"Иймэрхүү байдлыг зогсоохгүй бол муугаар дуусч мэднэ шүү. Би багийнхаа тоглогчдыг удирдаж чадна. Харин өөр багийнхныг чадахгүй. Моуриньо Вилановыг танихгүй байж таарахгүй. Би түүний туслах Каранка, Фариаг сайн мэднэ. Тэгэхээр тэр мэдэх л ёстой. Өнөөдөр ялалт авчирсан тоглогчдодоо баярласан талархснаа илэрхийлэхэд үг ч олдохгүй байна. Манай багт домогт хөлбөмбөгчид бий. Бид хүчирхэг бүрэлдэхүүнээ гаргаж чадаагүй ч үнэхээр сайн тоглолоо” гэж Гвардиола ярьсан байна.