Испанийн Ла лигийн удирдлага хөлбөмбөгчидтэй тохиролцоонд хүрчээ

Испанийн мэргэжлийн хөлбөмбөгчдийн зөвлөлийнхөн Ла лигийн удирдлагатай зөвшилцөлд хүрчээ. Ингэснээр энэ амралтын өдрүүдэд Испанийн Ла лигийн эхний тойрог явагдах нь тодорхой болсон байна. Испанийн дээд хоёр лигийн багийн хөлбөмбөгчид цалин хөлс дээр элдэв асуудал үүсгэхгүй байхыг лигийн удирдлагаас шаардаж, эхний хёр тойргийн тоглолтод оролцохгүй, ажил хаяхаар төлөвлөсөн билээ. Өнгөрсөн амралтын өдөр Ла лиг албан ёсоор эхлэх байсан ч дээрх зөрчилдөөнөөс болж эхлээгүй юм. Харин энэ амралтын өдөр эхлэх эхний тойргийн тоглолтуудын ердийнхөөс орой эхлүүлэхээр болсон байна.