Фабрегас Мессигийн хослол Барсад супер цом авчирлаа

Өчигдөр шөнө Монако Европын Супер цомын төлөөх тоглолт болж, Испанийн "Барселона” Португалын "Порто”-г 2:0-ээр хожлоо. Энэ тоглолтод "Порто”-гийн Гуарин хаалгач Элтон руугаа дамжуулалт өгөх гэж байгаад Европын шилдэг хөлбөмбөгчийн алдар хүртээд хэдхэн минут болсон Лионель Мессигийн хөлд бөмбөгөө өгч, багаа хөөдөв. Лионель Месси хаалгачтай ганцаараа гарахдаа зовох юмгүй гоол орууллаа. Тоглолтын төгсгөлд Месси дээр бүдүүлэг дэгээ тавьсныхаа төлөө Роландо хөөгдсөн бол үүний дараа Сеск Фабрегас тоог 2:О болгож ахиуллаа.

Тоглолтын шүгэл дуугарахаас өмнө Гуарин мөн улаан хуудас авсан байна.

Барселон (Испани) — Порту (Португал) 2:0

Гоол: Месси 39; Фабрегас 88

Барселона: Вальдес, Алвес, Абидаль, Чави, Иньеста, Машерано, Кейта, Коррея (Бускетс 63), Вилья (Санчес 61), Месси, Педро (Фабрегас 80)

Порту: Элтон, Фусиле, Роланду, Сэпунару, Отаменди, Гуарин, Моутинью, Родригес (Варела 69), Соуза (Фернандо 77), Клебер (Белуччи 76), Халк

Шар хуудас: Иньеста 51 - Родригес30; Роландо 65; Гуарин 82

Улаан хуудас: Роландо 86; Гуарин, 90

Шүүгч: Куйперс (Нидерланд). Монако. "Луи II"