Барселонагийн Монгол дахь хөгжөөн дэмжигчид

Ярилцлага

Монгол дахь цорын ганц Барселона фэн сайт

Барсад хайртай хүн бүрт зориулав

Испанийн Ла лигийн хоёрдугаар тойрогт учраа таарсан Каталоны "Барселона” "Вильяреал” багийн тоглолт "Камп Ноу”-гийн эздийн эргэлзээгүй ялалтаар өндөрлөлөө. "Вильяреал” Пеп Гвардиолагийн багийн хувьд өрсөлдөгч байж чадалгүй, 5:0-ээр бут ниргүүлсэн юм. Энэ тоглолтод энэ улирлаас "Барса”-гийн нэгдүгээр багт тоглох болсон Тиаго Алькантара болон Каталонд эргэн ирээд удаагүй байгаа Фабрегас, мөн Италийн "Удинезе”-гээс өндөр үнээр ирсэн Алексис Санчес нар гоол оруулсан байна. Харин дэлхийн шилдэг хөлбөмбөгч Лионель Месси өөрийн ажлаа ээлжит удаагаа сайн биелүүлж, дуль хийжээ.
Тоглолтын дараа дэлхийн шилдэг хөлбөмбөгч Лионель Месси багийнхаа шинэ тоглогчдыг магтжээ.
"Бид шинэ улиралд бэлэн байгаагаа нотлон харууллаа. Одоо энэ эрчээ л алдахгүй байх хэрэгтэй. Шинэ тоглогчид багтаа тус хүргэснийг онцолмоор байна. Тэд үнэхээр том тус хүргэлээ” гэж Месси хэлжээ.