Фабрегас жиргэв

Испанийн "Барселона”-гийн хагас хамгаалагч Сеск Фабрегас хуучин баг Английн "Арсенал”-ыг ойрын жилүүдэд томоохон амжилтад хүрэх чадалгүй мэтээр нэгэн хэвлэлд өгсөн ярилцлагадаа дурьдсан нь хөлбөмбөгийн ертөнцөд томоохон шуугиан дэгдээгээд байна. Харин Фабрегас өөрөө иймэрхүү утгатай зүйл огт яриагүй гэдгээ мэдэгджээ.

"Би хэзээ ч "Арсенал”-ын тухай муу зүйл яриагүй. Гэтэл хүмүүс ярьсан мэтээр хэвлэлээр бичиж байна. Энэ хэтэрхий увайгүй алхам юм. Би "их буучид”-ын бусад хөгжөөн дэмжигчийн адилаар амжилт л хүсдэг. "Арсенал” намайг өдий зэрэгт хүргэсэн. Би үүнийг чин сэтгэлээсээ ярьж байна. "Арсенал” томоохон ялалт байгуулж, цом өргөх ёстой баг. Хэн ч, хэзээ ч үүнийг өөрчилж чадахгүй. Тэгээд ч би "Арсенал”-ыг үгүйсгэсэн ярилцлага хэзээ ч өгөөгүй шүү” хэмээн Фабрегас өөрийн твиттертээ бичсэн байна.