Боян Барселонад эргэж очихгүй

Энэ зуны солилцоо наймаагаар "Рома” багт ирсэн Боян Кркич "Хэрвээ дасгалжуулагч Пеп Гуардиола намайг эргэн "Барселона” багт тоглохыг уривал очихгүй” гэдгээ мэдэгдлээ. "Би гарааны бүрэлдэхүүнд багтдаггүй ч Уэмблид болсон "Аваргуудын лиг”-ийн шигшээ тоглолтод оролцох боломжтой байсан. Харин дасгалжуулагч Пеп Гуардиола боломж олгоогүй. "Барса” клуб "МанЮ”-г 3:1-ийн харьцаатай хожсон шөнө багаасаа явах шийдвэрээ гаргасан” гэж ярьжээ.   Боян хэдий төрөлх багаасаа явахыг хүсэхгүй байгаагаа удаа дараа илэрхийлсэн ч түүнийг Италийн "Рома” баг руу зарсан юм. Өдгөө 21 настай "Барса”-гийн академийн довтлогч Боян "Рома” багт 12 сая еврогоор иржээ. Мөн дөрвөн жилийн дараа "Барса”худалдаж авах бол 13 сая евро төлнө гэж гэрээнд тусгасан байна. "Барселона” өмнө нь залуу авьяаслаг хагас хамгаалагч Сеск Фабрегасаа"Арсенал” руу явуулаад, гурван жил хөөцөлдсөний эцэст өндөр үнээр эргүүлэн авсан юм.