Роналдо Моу нар өрсөлдөөнөөс гарч Шави Месси Гуардиола нар үлдэв

Испанийн эзэн хааны баг болох Реал Мадридын ерөнхий дасгалжуулагч Жозе Моуриньо болон хагас хамгаалагч Криштиано Роналдо нар 2011 оны Дэлхийн шилдэг хөлбөмбөгч, шилдэг дасгалжуулагчийг тодруулах "Алтан бөмбөг” гардуулах ёслолд оролцож чадахгүй нь тодорхой болжээ. Учир нь нэгдүгээр сарын 11-нд "Реал” Испанийн цомын тэмцээнд "Малага”-тай тоглох юм. Тиймээс энэхүү ёслол "Реал”-ыг төлөөлж, Эмилио Бутрагеньо, Зинедин Зидан нар оролцох юм байна. Ийнхүү ямартай ч шагналыг Месси Шави нарын авах магадлал бүр их өсөж байгаа юм. Учир нь зарим хэвлэл мэдээллийн үзэж байгаагаар Роналдо Моу нар ямар ч шагнал авахгүй нь тодорхой учир ёслолын ажиллагааг орхиж байгаа аж. Гэхдээ Моуриньо энэхүү талаар тайлбарлахдаа ердөө л Копа Дел Рейд анхаарлаа хандуулж байгаагаас өөр зүйлгүй хэмээж байгаа юм. Ингээд ёслолын ажиллагаанд шилдэг тоглогчийн төлөө Barcelona клубын Lionel Messi, Xavi нар, шилдэг дасгалжуулагчийг тодруулахад Manchester United-ын дасгалжуулагч Sir Alex Ferguson, Barcelona клубын Pep Guardiola нар өрсөлдөх болж байгаа юм. Зарим хэвлэл мэдээллийн сайтуудаар Роналдо Моуриньо 2 Ballon d'Or-ыг доромжиллоо" гэсэн нийтлэл гарсан байна.