МЕССИ ШИЛДЭГ БОЛОХ ЁСТОЙ!

Барселона клубын хамгаалагч Жерар Пике багийн анд Лионел Мессиг 2011 оны ФИФА Баллон д'Ор шагналын эзэн болно гэдэгт итгэлтэй байгаагаа хэлжээ. Аргентиний шигшээгийн тоглогч Месси Шави болон Реал Мадридын Криштиану Роналду нартай өрсөлдөж байгаа билээ.

"Месси бүтэн жилийн турш өндөр түвшинд тоглосон гэдгийг бүгд мэднэ. Тэгээд ч Лео дэлхийн хамгийн шилдэг нь шүү дээ" хэмээн Пике Ла Вангуардиа сэтгүүлд өгсөн ярилцлагадаа дурьджээ.

"Тэр багийг удирдан түүхэн дэх хамгийн шилдэг багуудын нэг болгосон. Бид түүний ачаар маш олон цом хүртсэндээ түүнд талархах ёстой."

"Би түүнтэй хамт нэг багт байгаагаараа бахархдаг. Тэр яг л 13 настайгаасаа хойш улам сайжирсаар, улам сайжирсаар байгааг би харж байна. Би түүнийг илүү сайжирч, формоо олон жил хадгална гэдэгт эргэлзэхгүй байна"

2011 оны дэлхийн шилдэг хөлбөмбөгчний нэр өнөөдөр Цюрихийн Конгрессийн танхимд тодорно.

   Эх сурвалж www.csports.mn  Csports team