Барселонагийн Монгол дахь хөгжөөн дэмжигчид

Ярилцлага

Монгол дахь цорын ганц Барселона фэн сайт

Барсад хайртай хүн бүрт зориулав

Бразилын алдарт Сантос клубын залуу од Нэймарыг Барсагийн удирдлагуудтай уулзсан гэх цуу яриа хэвлэл мэдээллийн хэрэгслээр тархаад байсан. Гэвч Бразилын "Сантос”-ын шилдэг довтлогч Неймар өөрөө Испанийн "Барселона”-гийнхантай уулзсаныг үгүйсгэжээ. Түүнийг саяхныг хүртэл Барсатай холбоотой хэмээж байсан ба Барсагийн төлөөлөгчидтэй ч уулзаад амсжсан гэж шуугиж байлаа. Гэсэн ч тэрээр огт өөрөөр ярилцлагаа өгчээ.

"Би "Барселона”-гийнхантай огтхон ч холбогдоогүй. Би "Сантос”-д үлдэх болно. Энэ бол миний эх орон. Би энд насаараа тоглосон ч чадна. Гэхдээ ямартай ч би Барсагийнхантай уулзаагүй. Магадгүй, аав маань "Барселона”-гийн гол төлөөлөгчтэй уулзсан байж болох л юм. Би зөвхөн Марсело, Дани Алвеш хоёртой л ярилцаж үзсэн. Тэр хоёр хоёулаа л багаа магтаад байсан. Бие биенээсээ давах гэж их хичээж байсан.” гэж Неймар ярьсан байна.

Гэхдээ Неймарын хувьд Барселона клубыг дэмжиж явдгаа нуугаагүй. Барселона клубд тэрээр тоглохыг хүсдэгээ нэгд нэгэнгүй хэлж байсан. Барса клуб түүнд санал тавиагүй ч нууц хэлэлцээр явагдаж байхыг хэн ч үгүйсгэхгүй. Магадгүй энэ өвөл Нэймар Испанийн аль нэгэн том багт нь хүчин зүтгэж байхыг харах байх. Ямартай ч Нэймарын энэхүү асуудал маш хурцдаж байгаа ба гадаадын хэвлэл мэдээллийн гол сенсаци бай нь болоод байна.