Силва: Барса Реалыг дийлэхгүй

Барсэлона клуб энэ сард 2 томоохон гиганттай учраа таарч тоглоно. Эхлээд аваргуудын лигт Милан клубтэй тоглолтоо хийх бол дараа нь Ла лигт Реал Мадрид клубтэй тоглолтоо хийх юм. Тус тоглолтын талаар Испанийн шигшээ багийн тоглогч Давид Силва ярилцлага өгсөн байна. Тэрээр Английн өдөр дутмын The Star Soccer сэтгүүлд өгсөн ярилцлагандаа:

-Одоо цагийн хамгийн шилдэг клуб нь Барса гэдэгтэй ихэнхи хүмүүс санал нийлэх байх. Тэдний тоглолт нь манай Испанийн шигшээ багийн тоглолттой яг ижилхэн. Учир нь энд Испанийн шигшээ багийн шилдгүүд байгаа шүү дээ. Гэхдээ тэднийг би Ла лигт түрүүлэхгүй гэж бодож байна. Реал сүүлийн тоглолтуудад удаа дараа тэнцээ авч Барса тэдний араас сүүл даран нэхэж ирсэн ч Реал энэ тэргүүллээ Барсад алдахгүй гэдэгт би итгэлтэй байна. Харин Эль класико тоглолтонд Барсаг ялна гэж бодож байна. Тэд хэдийнээ Реалын учрыг олчихсон. Барсагийнхан Реалтай яаж тоглохоо сайн мэддэг. Шави, Мэсси нар тэднийг ялан дийлэх нь гарцаагүй. Гэсэн ч Реал үүнээс өөр бүдрэлт амсахгүй. Харин тэдэнд аваргуудын лигт асар их нөөц бололцоо бий. Магадгүй Барса хоёр жил дараалан түрүүлсэн анхны баг болох байх. Гэхдээ тэд ла лигт Реалыг дийлэхгүй.

-Тэдний аваргуудын лигийн тоглолтыг сайн мэдэхгүй байна. Тэдний эсрэг Милан хэмээх Италийн акул зогсож байгаа учир би аль нэгнийг нь хожино гээд хэлчихэж чадахгүй байна.

- Эцэст нь хэлэхэд Испанийн клубууд дэлхийд хамгийн шилдэг нь. Харин манай баг дараа жилийн аваргуудын лиг дуусахад тэдний дээр гарсан байх болно" хэмээсэн байна.