Арсэн Вэнгэр: Финалд Эль класико үзмээр байна

Английн Арсэнал клубын ерөнхий дасгалжуулагч Арсэн Вэнгэр аваргуудын лигийн финалын тоглолтын талаар өөрийн үзэл бодлоо илэрхийлсэн байна. 

"Аваргуудын лиг үнэхээр сонирхолтой болж байгааг би мэдэрч байна. Гэхдээ энэ тулаанд бид байхгүй нь туйлын харамсалтай. Үлдсэн найман багаас шөвгийн дөрөвт шалгарах ёстой нь л энэ дөрөв байсан. Милан биднийг хожсон ч гэсэн Барсаг хожиж чадаагүй. Пэналти тоглолтыг шийдчихлээ гэж дэлхий даяар яриж байна. Үнэндээ тэрхүү хоёр пэналти байсан байгаагүй Барса хожих л байсан. Милан одоогоор Барсэлонаг ялах хэмжээнд биш байгаа. Тэд дээд зэрэглэлийн баг ч гэсэн Барсаг бол дийлэхгүй нь хоёр тоглолтонд хоёуланд нь харагдсан.

Английн Прьэмэр лиг Ла лигээс илүү сонирхолтой болдог ч гэсэн Ла лигийн хоёр том баг Английн багуудаас хавьгүй илүү байна. Энэ хоёрын класик тоглолтыг би финалд хармаар байна. Чэлси Байерн гэх  мэт багууд гарч ирэх боломж бий. Харин Испанийн хоёр баг гарч ирвэл илүү гал гарсан тоглолт болох болно" хэмээжээ.

Ямартай ч Английн Арсэнал клуб Аваргууднын лигт Милан клубд хожигдож мултарсан. Үүнд Арсэн Вэнгэр дурамжхан байгаа ч Барсэлона Реал Мадрид клубуудыг финалд харахыг хүсэж байгаа аж.