Касильяс: Барсагийн тоглогчид бүгдийг шийддэг.

Реал Мадрид болон Испанийн шигшээ багийн ахлагч Икэр Касильяс удахгүй болох ЕАШТ-ын талаар УЕФА-д яриа өгсөн байна. 

"Энэ тэмцээнд аварга авах нь маш чухал. Бид шигшээ багуудын хооронд болдог хамгийн нэр хүндтэй хоёр тэмцээнд түрүүлчихээд байна. Энэ бүхэн биднийг хоорондоо ямар эв найрамдалтай байж, яаж нэг баг болдгийг харуулж байгаа юм. Барсагийн тамирчидтай манай багийнхан ихээхэн удаа муудалцаж байсан. Харин би энэ зүйлийг бага багаар үгүй болж байна гэж бодож байгаа. Нэг шигшээ багийн тамирчид байж бие биендээ муу хандана гэдэг байж боломгүй асуудал. Тийм ч учраас би хоёр багийнхныг эвлэрүүлэхийн тулд өнгөрсөн жил уулзалт зохион байгуулсан. Тэр маань ч амжилттай болсон. Тэрхүү уулзалт эргээд Испанийн шигшээ багийн уур амьсгалыг тогтуун болгосон гэж бодож байна. Манай шигшээн ихэнхи хэсгийг Барсагийнхан эзэлж байгаа. Тэд ойрын жилүүдэд үнэхээр сайн формтой байгаа. Барсагийнхан бүгдийг шийддэг учир энэ тэмцээнд амжилт гаргах эсэх нь мөн л Барсагаас шалтгаална. Харин аваргуудын лигийн тухайд бид тэдэнтэй эсвэл Чэлситэй тоглохын тулд бүхнээ дайчилна. Финалд хоорондоо таарвал илүү сонирхолтой шүү дээ" хэмээжээ.