Тоглолтын өмнө: Барсэлона Vs Хэтафэ

 Өнөө шөнө Испанийн алдарт Барсэлона клуб Ла лигийн ээлжит тойргийн тоглолтоо хийх гэж байна. Ла лигт манайхны анхны хожигдлыг амсуулж байсан Хэтаф клубтэй тоглолтоо хийх юм. Одоогийн байдлаар манайхан тэргүүлэгчдээс 4 оноо алдаж байгаа ба өнөөдөр хожих нь бидний гол зорилго юм. Дараа долоо хоногт аваргуудын лигийн шөвгийн дөрвийн эхний тоглолтоо Чэлситэй хийх учир Гуардиола гол тоглогчдоо нөөцөнд суулгахаар шийдсэн байна. Шавин  Чэлсигийн эсрэг хэрэглэгдэх гол тамирчид учир энэ тоглолтонд тэд тоглолтыг сэлгээнээс үзэж сонирхох биз ээ. Мөн Шави дээр Пикэ Алвэс нар бэртлийн улмаас оролцох боломжгүй болсон. Ямартай ч Гуардиола сэтгүүлчдэд Пикэгийн оронд Монтояаг гаргана хэмээсэн. Өнөө шөнийн тоглолт Монголын цагаар 03:00 цагаас эхэлнэ. 

Магадлалтай гараа: Валдэс- Монтояа-Машэрона-Пуёл-Адриано-Бускэтс-Иньэста-Тиаго-Мэсси-Куэнкэ-Санчэз.